Yn de earste ôflevering fan NODOE giet de measte oandacht nei　finster 4:　'Skippers en keaplju'. Dat begûn tsjin 450. Doe hiene de Romeinen har weromlutsen achter de Alpen. Dêrmei rekken de lânwegen, dy’t benammen foar en troch it Romeinske leger yn stân holden wiene, yn ferfal. Allinne oer it wetter koene no noch langere (hannels)reizen makke wurde. De Friezen út it wetterrike terpelân sprongen yn dat gat en fearen mei har skipkes oer de Noard- en de Eastsee en ek de Ryn op om hannel te driuwen. Sa koe de bloeitiid fan de Fryske hannel begjinne...