Hy hat it as emigrant net maklik hân. Mar it is him slagge om in ridlik grut en goedrinnend boere-bedriuw op te bouwen. De Haas hat noait wer nei it heitelân werom west. Hy woe net, seach der tsjin oan, wie der faaks wol bang foar. No’t er út it wurk is, is der gelegenheid om oan de winsk fan syn ferstoarne frou te foldwaan: hy makket in trip nei syn roots yn ‘e Greidhoeke.
De soan sil him foar it earst mei de melkerij rêde. Twa aventoeren tagelyk. De reis nei it heitelân wurdt foar de emigrant oan alle einen en kanten konfrontearjend.
By de foarstelling is in lesbrief rûn it tema emigraasje skreaun dy't de skoallen foar en nei de foarstelling brûke kinne.